top of page
x large.jpg

Ymgyrch Gwarchod Enwau Lleoedd Cymraeg

Un Enw! Enw Cymraeg!

'Dyma'r mynyddoedd. Ni fedr ond un iaith eu codi

A'u rhoi yn eu rhyddid yn erbyn wybren cân.'

 

                - 'Cymru a Chymraeg', Waldo Williams

Pam gwarchod enwau lleoedd Cymraeg?

Maen nhw'n rhan hanfodol o'n hiaith a'n diwylliant

 

Maen nhw'n rhan o'n treftadaeth leol a chenedlaethol.

 

Maen nhw'n diffinio Cymru fel gwlad wahanol. 

 

Maen nhw'n gyfoethog o hanes y tir, y gymdeithas, byd natur a'r iaith.

 

Felly, maen nhw'n haeddu eu parchu drwy eu gwarchod a'u defnyddio.

Nant Ffrancon,
Y Carneddau

Mae'r wefan hon ochr yn ochr â gwefan Eryri Wen a sefydlwyd gan y diweddar Eilian Williams. Mynegwn ein gwerthfawrogiad o'i gyfraniad arbennig i warchod enwau lleoedd Cymraeg.

​

Bugail yr Enwau

​

Mae Dr Aled Williams, ymchwilydd arbenigol ym maes enwau lleoedd, wedi creu blog o'r enw Bugail yr Enwau. Mae Aled yn cynghori Awdurdod Parc Cenedlaethol Eryri a Chomisiynydd y Gymraeg ar enwau lleoedd y mynydd-dir. Mae o'n llunio pecynnau tystiolaeth yn seiliedig ar waith maes yn cynnwys holi ffermwyr mynydd. 

Mae'r ddolen isod yn cynnwys y dystiolaeth a gyflwynwyd i'r Arolwg Ordnans ar ddau enw - Diffwys Criafol ac Ysgar ar y Grib Coch yn Eryri - sydd heb eu cynnwys ar y mapiau. Bu'r cais yn llwyddiannus, a bellach mae'r Arolwg Ordnans wedi derbyn pecynnau tystiolaeth o waith Aled ar nifer o enwau lleoedd eraill, gan gynnwys cais i hepgor The Nameless Cwm a defnyddio'r enw Cwm Cneifion yn unig.

​

​

​

Y Glyderau, Cwm Cneifion

Cydlynydd: Emyr Roberts

Cyswllt Cylch yr Iaith: Ieuan Wyn

Trefnydd Cyhoeddusrwydd: Rhys Parry

​

bottom of page