Datblygiadau
Ymddiriedolaeth Natur Gogledd Cymru
Hysbysfwrdd newydd gyda'r enw Llyn Celanedd.
Yr Arolwg Ordnans
Mae'r Arolwg Ordnans yn ystyried rhoi Coed Cerrig y Frân yn lle The Mushroom Garden (Nant Ffrancon, Gwynedd), a Llwybr Gwregys yn lle Heather Terrace Path (Nant y Benglog, Sir Conwy) ar eu mapiau.
Cefnogaeth Cyngor Gwynedd
Ar 14 Mai eleni rhoddwyd cynnig gerbron Cyngor Gwynedd gan y Cynghorydd Einir Wyn Williams fod y Cyngor yn anfon at yr Arolwg Ordnans yn galw ar yr asiantaeth i fabwysiadu'r egwyddor o ddefnyddio enwau lleoedd tirweddol Cymraeg yn unig ar eu mapiau yng Nghymru, ac yn anfon at Lywodraeth Cymru a chynghorau sir eraill Cymru i wneud yr un modd. Cafodd y cynnig ei basio'n unfrydol.
Llywodraeth Cymru
Bydd Llywodraeth Plaid Cymru, yn dilyn addewid yn ei maniffesto, yn deddfu i warchod enwau lleoedd Cymraeg.
Cyngor Gwynedd
Un o'r arwyddion newydd yn Llŷn - heb yr enw Hell's Mouth.
Cwt Dafydd Ross
Mae Cyngor Cymuned Llanllechid, gyda chefnogaeth Menter Iath Gwynedd, wedi gosod coflech ar Gwt Dafydd Ross, lloches bugeiliaid ar Foel Grach, un o fynyddoedd cadwyn y Carneddau yn Eryri. Mae'r Arolwg Ordnans wedi penderfynu cynnwys yr enw Cwt Dafydd Ross ar eu map graddfa fawr o'r ardal, a bydd yn cael ei gynnwys yn argraffiad newydd y mapiau sy'n cael eu gwerthu yn y siopau.
Allt Marchogion
Mae Cyngor Gwynedd a'r gymdeithas dai Adra wedi penderfynu rhoi'r enw Allt Marchogion ar stad dai sy'n cael ei chodi ar gwr Bangor. Hyn yn dilyn cais gan y Cyng. Dafydd Meurig a'r Ymgyrch. Nid yw'r enw Allt Marchogion ar unrhyw arwydd ac roedd peryg iddo fynd i ddifancoll. Bellach, fel cyfeiriad post, bydd yn cael ei ddefnyddio yn ysgrifenedig ac ar lafar.
Gwasanaeth Bws
Mae gwasanaeth bws Trafnidiaeth Cymru (TFC) o Fangor i Gorwen (T10) wedi bod yn defnyddio enwau lleoedd Saesneg, e.e. Swallow Falls, Miner's Bridge. Mae'r Ymgyrch wedi llwyddo i gael Llywodraeth Cymru, drwy gŵyn at Gomisiynydd y Gymraeg, i gyfarwyddo TFC i sicrhau mai enwau lleoedd Cymraeg sy'n cael eu defnyddio.